مــنــتــدى الــونــاســه
شاركنا في المواضيع الجاده والمسليه |
| | | | [color=orange]يـــوميـــات موظــف الاستعــلامات 905[/color] |  الثلاثاء يوليو 01, 2008 3:44 pm من طرف أرحم يامسلم | --------------------------------------------------------------------------------
يوميات موظف الاستعلامات 905
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:
المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالظبط .
المواطن : ياخوي هنا جمبنا جارنا ماتعرفون رقمه .
الموظف : يا انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط
المكالمه الثانيه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم
تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده ..
وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم
وعلى دمك .
طوط طوط انقطع الخط
المكالمه الثالثه : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك
مجاني اكلم بريالي .
الموظف : يخرج من طوره ( اقول اسمع ............. طوط طوط قفل الخط
المكالمه الرابعه : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خوذي الرقم ؟؟؟؟؟؟؟؟؟؟؟؟؟
المكالمه الخامسه : كانت صوت ناعم اوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصقه .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .
المكالمه السادسه : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فكس ..
طوط طوط انقطع الخط .
خخخخخخخخخخخخخ مسكين الله يعينه
 أرحــــــــــــــــــــــــــــــــم يامسلـــــــــــــــــــــــــــــــم 
م ن ق و ل ل ع ي و ن ك م
| | تعاليق: 0 |
| | من على الخط ؟ | ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر الأعضاء المتواجدون حالياً في هذا المنتدى: لا أحد أكبر عدد للأعضاء المتواجدين في هذا المنتدى في نفس الوقت كان 6 بتاريخ الجمعة ماي 30, 2008 5:32 pm |
| احصائيات | هذا المنتدى يتوفر على 43 عُضو.
آخر عُضو مُسجل هو ابو نواف فمرحباً به.
أعضاؤنا قدموا 675 موضوع في هذا المنتدى في 249 موضوع
|
|
| |
|
